سلام
أكثر من مرة ترددت اني اكتب هالموضوع لاني توقعت في مواضيع اهم منها لازم تنكتب..لكن لما شفت المشكلة امام عيني ايقنت ان المشكلة اكبر مماظننت !
بالسابق كنت اعتقد واظن ان هناك اخلاق سيئة عند الشباب لا يعالجها الا النصح, لكن تطور اعتقادي هذا الى تحديد سبب المشكلة وهي في السلوك وليست في الاخلاق.
واعني بالسلوك هي ردة الفعل بغض النظر عن اخلاق الانسان
كنت ولازلت الاحظ سلوك في شبابنا وخاصة بالسعودية مو موجود اي مكان بالعالم ولا عمري قد سمعت فيه او احد تكلم عنه ان هالسلوك حصل في مكان عام اوقدام الناس الا بمصر وراح اذكره لكم
السلوك اللي لاحظته هو ردة فعل الشاب لما يشوف بنت بالسوق او بمنتزه او باي مكان عام..وباوضحها لكم في عدة نقاط:
*نظرات الشاب للبنت في دولتنا وفي الاماكن العامة للأسف الاحظ فيها خبث وبشاعة بشكل غريب تخطت نظرات الغزل وتوحي لك بأن الشاب يريد الانتقام..وكأنه يقول للبنت بلغة عينه ((تراني باغتصبك الحين)) !!
*اعتراض الشباب لطريق البنات بالقوة وهم ماشيات..هو ((اعتداء)) مو مثل مايتخيل لبعض الناس هي محاولة مزح بقصد التسلية..
*التحرش الجنسي سواء كان بالكلام ام باليد..يتخطى كل حدود الادب (( مهما كانت البنت لابسه )) فيه اذلال للبنت وانتهاك لحرمتها امام الناس لانها بشر وهي انثى مستضعفة..واكثر ماتقدر عليه هو الصراخ !
هالنقاط الثلاث اشوفها كل مارحت اي مجمع فيه مجموعة من الشباب داخلين فيه..كنت اشوف هالسلوكيات وتوقعت انها نادرة لعدم كثرة ذهابي للسوق.
لكن اليوم اثبت لي اعتقادي ان هالسلوك في غالب شباب هالبلد لما شفت حادثة تحرش بنات النفق اللي صار بالرياض..صارت اليوم مثلها امام بوابة مجمع الراشد وكانوا 7 اشخاص وقدام البوابة الرئيسية للمجمع يعني قدام الناس وأم البنت موجودة وجالسة تحمي بنتها منهم وواحد من الشباب كان يصور بجواله والبقية يتعرضون للبنت..تخيلوا المنظر !
المصيبة أنه جميع من كان عند البوابة ما استنكروا لهالفعل بل بعضهم قام يضحك..وكأنهم ينتظرون هاللحظة تحصل
السكرتية اللي عند الباب افشل واغباء رجال حماية شاهدتهم الى الان..
ماعندهم أي هيبه..ووجودهم زي عدمهم..ولا اعلم على اي اساس اختيروا
سلوكيات انا مدري وش هالشباب اللي عندنا يعني ان قلت مزح ماتجي..وان قلت تسلية ماتجي..وان قلت طبيعة الولد كذا ..باقولك البني آدم لازم يكون فيه عالاقل ذرة احترام وتسامح..مو منزوع الاحترام..ويتحرش في البنات يده وبمزاجه..وين قاعدين بحرب..؟!
كثير من رجال الحماية بالمجمعات ماعندهم وعي ولا لهم هيبة ولا قدرة على معالجة اي مشكلة بالمجمعات
انا لاحظت مكان واحد بس اللي كنت اتمنى يكون فيه الانضباط بكل المجمعات
برج المملكة بالرياض ..كانوا فعلا رجال حماية ويتعاملون مع اي سلوك سيء يسيء للمتسوقين بقوة وفيهم شراسة ملحوظة وفي نظري هم مجبورين على التعامل بها لكثرة نوعية هالشباب بالمجمعات..واتمنى اشوف مثل هالامن في باقي المجمعات بالمناطق
طرحت موضوعي لاجل اطلع بفائدة وابحث سبب المشكلة وندرسها وهو سلوك هالشباب بنظراتهم وسلوكياتهم بالاماكن العامة على البنات..وش السبب اللي يحرض عقول هالشباب لهالسلوك اللي فيه نوع من الوحشية من الصعوبة ان تصدق انه ظاهر من انسان
يعني حتى لو قلنا ان شبابنا مكبوتين وماعندهم انفتاح زي الدول الثانية هذا مو عذر لهم سلوكهم يتجه لهالنحو الغريب..انا اخبرها صارت بمصر حتى سموها (بالسعار الجنسي) لما كانوا رجال فوق الميه شخص متجمع على بنت وحده..شفتها بمقطع فيديو قبل شهور والى الان ماني عارف اش سبب هالمشكلة
سلوك عدواني من جد غريب
ارجــو من اي شاب يدخل الموضوع يرد عليه ..
واتمني المناقشه في الموضوع لانه بجد يستاهل المناقشه منك ياشباب ..
موضوع: سلوكيات بشعة 
الأحد يونيو 22, 2008 1:06 pm
